ຈະນໍາໃຊ້ງົບປະມານ 190 ກວ່າຕື້ກີບ ເພື່ອສ້ອມແປງບັນດາເສັ້ນທາງພາຍໃນນະຄອນຫລວງວຽງຈັນ

ນະຄອນຫລວງວຽງຈັນ ຄາດຄະເນເບື້ອງຕົ້ນວ່າ: ໃຫ້ສາມາດສັນຈອນໄປ-ມາໄດ້ຢ່າງສະດວກສະບາຍ ແລະ ສະອາດງາມຕາ ເພື່ອຮອງຮັບການເປັນປະທານອາຊຽນຂອງ ສປປ ລາວ ໃນ 2024 ທີ່ຈະມາເຖີງນີ້.

ໃນໂອກາດຂຶ້ນຊີ້ແຈງຢູ່ກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນນະຄອນຫລວງວຽງຈັນ ຊຸດທີ II ໃນວັນທີ 13 ມັງກອນ 2023, ທ່ານ ສຸລິວັນ ພົມມະຫາໄຊ, ຫົວໜ້າພະແນກໂຍທາທິການ ແລະ ຂົນສົ່ງ ນະຄອນ ຫລວງວຽງຈັນ ໃຫ້ຮູ້ວ່າ: ພາຍຫລັງໄດ້ຮັບການແຕ່ງຕັ້ງຕາມຂໍ້ຕົກລົງຂອງເຈົ້າຄອງນະຄອນຫລວງວຽງຈັນ, ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ ໄດ້ກະກຽມ ແລະ ຂຶ້ນແຜນສ້ອມແປງ ຫລື ປັບປຸງບັນດາເສັ້ນທາງພາຍໃນນະຄອນຫລວງວຽງຈັນ ໂດຍສະເພາະເສັ້ນທາງທີ່ເຂົ້າໄປຫາສະຖານທີ່ຈັດກອງປະຊຸມ, ສະຖານທີ່ພັກເຊົາຂອງແຂກທີ່ຈະມາຮ່ວມກອງປະຊຸມ ແລະ ອື່ນໆ, ເຊີ່ງເບື້ອງຕົ້ນໄດ້ສະເໜີແຜນງົບປະມານ ຈໍານວນ 26 ຕື້ກວ່າກີບ, ຫລັງຈາກນັ້ນໄດ້ປະຊຸມຮ່ວມກັບພະແນກແຜນການ ແລະ ການລົງທຶນນະຄອນຫລວງວຽງຈັນ ພາຍໃຕ້ການຊີ້ນໍາຂອງຮອງເຈົ້າຄອງນະຄອນຫລວງວຽງຈັນ ໄດ້ຮັບການຊີ້ນໍາເພີ່ມເຕີມໃຫ້ຮ່ວມກັບບັນດາເມືອງ ແລະ ທຸກພາກສ່ວນທີ່ກ່ຽວຂ້ອງຂຶ້ນແຜນຄວາມຈໍາເປັນຕ່າງໆ ຕື່ມອີກ ເຮັດໃຫ້ງົບປະມານລວມທີ່ຄາດວ່າຈະນໍາໃຊ້ເຂົ້າໃນການສ້ອງແປງທາງຄັ້ງນີ້ເພີ່ມຂຶ້ນເປັນ 190 ກວ່າຕື້ກີບ.

ທ່ານກ່າວຢໍ້າຕື່ມວ່າ: ງົບປະມານດັ່ງກ່າວນີ້ ແມ່ນເປັນການປະເມີນການໃຊ້ຈ່າຍໃນເບື້ອງຕົ້ນເທົ່ານັ້ນ ເພາະຍັງຈະນໍາໄປຜ່ານການນໍານະຄອນຫລວງວຽງຈະນໍາໃຊ້ງົບປະມານ 190 ກວ່າຕື້ກີບ ເພື່ອສ້ອມແປງບັນດາເສັ້ນທາງພາຍໃນນະຄອນຫລວງວຽງຈັນຈັນ, ລວມເຖີງສົມທົບກັບກະຊວງໂຍທາທິການ ແລະ ຂົນສົ່ງ ເພື່ອຕີລາຄາຄືນຢ່າງລະອຽດວ່າເສັ້ນທາງໃດ ຫລື ວຽກງານໃດແທ້ທີ່ມີຄວາມຈໍາເປັນທີ່ສຸດ ຫລື ຕິດພັນກັບການຮັບໃຊ້ໃນໄລຍະທີ່ ສປປ ລາວ ໄດ້ຮັບກຽດເປັນປະທານອາຊຽນໃນຄັ້ງນີ້ ເນື່ອງຈາກຍັງເຫລືອເວລາໃນການກະກຽມບໍ່ຫລາຍແລ້ວ, ເຊີ່ງໃນຕໍ່ໜ້າຈະຮຽກຕາງໜ້າຈາກບັນດາພາກສ່ວນກ່ຽວຂ້ອງ ລວມມີ: ໂຍທາທິການ ແລະ ຂົນສົ່ງ, ໄຟຟ້າ, ນໍ້າປະປາ ແລະ ອື່ນໆ ມາປະຊຸມຮ່ວມກັນ ເພື່ອວາງແຜນ, ແບ່ງຄວາມຮັບຜິດຊອບ ແລະ ແຕ່ງຕັ້ງກອງເລຂາຊ່ວຍວຽກ, ຫລັງຈາກນັ້ນຈະກ້າວເຂົ້າສູ່ການຈັດຕັ້ງປະຕິບັດວຽກງານຕົວຈິງ ເພື່ອໃຫ້ສໍາເລັດຕາມແຜນການທີ່ວາງໄວ້.

Leave a comment

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *