ພາບຄວາມປະທັບໃຈ! ເຈົ້າໜ້າທີ່ ແຈກນ້ຳດື່ມ ແລະ ໝວກກັນກະທົບ ໃຫ້ຜູ້ຂັບຂີ່ຍານພາຫະນະ.

ພາບຄວາມປະທັບໃຈ! ເຈົ້າໜ້າທີ່ ແຈກນ້ຳດື່ມ ແລະ ໝວກກັນກະທົບ ໃຫ້ຜູ້ຂັບຂີ່ຍານພາຫະນະ.

ໃນວັນທີ 28 ທັນວາ 2022, ກົມຕຳຫຼວດຈະລາຈອນ ກະຊວງປ້ອງກັນ ຄວາມສະ ຫງົບ ແລະ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ໄດ້ລົງຊຸກຍູ້ວຽກງານໂຄສະ ນາ ແລະ ບັງຄັບໃຊ້ກົດໝາຍ ຢູ່ຈຸດກວດກາທ່າພະບາດ ເສັ້ນທາງເລກທີ 13 ໃຕ້ ໃນໄລຍະງານສະເຫຼີມສະຫຼອງປີ ໃໝ່ສາກົນ (ສົ່ງທ້າຍປີເກົ່າ-ຕ້ອນຮັບປີໃໝ່ 2023) ໂດຍສະເພາະໃນໄລຍະ 5 ວັນ ອັນຕະລາຍ; ເຊິ່ງເລີ່ມນັບແຕ່ວັນທີ 29 ທັນວາ 2022 ຫາ ວັນທີ 2 ມັງກອນ 2023, ເຊິ່ງຖືເປັນໄລຍະທີ່ມີຄວາມສ່ຽງເກີດອຸບັດຕິເຫດຕາມທ້ອງຖະໜົນຫຼາຍ ເນື່ອງຈາກຜູ້ຂັບຂີ່ໄດ້ເດີນທາງກັບຄືນໄປຢ້ຽມຢາມບ້ານເກີດເມືອງນອນ, ທ່ອງທ່ຽວ ແລະ ມີ ການດື່ມສິ່ງມືນເມົາໃນໄລຍະການສະເຫຼີມສະຫຼອງປີໃໝ່ສາກົນ.

ສຳລັບເສັ້ນທາງສາຍຫຼັກທີ່ຜູ້ຂັບຂີ່ ສັນຈອນຫຼາຍທີ່ສຸດແມ່ນເສັ້ນທາງເລກທີ 13 ໃຕ້ ແລະ ເສັ້ນທາງເລກທີ 13 ເໜືອ. ສະເພາະເສັ້ນທາງເລກທີ 13 ໃຕ້ ນັບແຕ່ເມືອງທ່າພະບາດ ແຂວງບໍລິຄຳໄຊ ຫາ ເມືອງເຊບັ້ງໄຟ ແຂວງຄຳມ່ວນ ໄລຍະທາງ 275 ກິໂລ ແມັດ ແລະ ກຳລັງຢູ່ໃນໄລຍະທີ່ກຳລັງກໍ່ສ້າງ ແລະ ປັບປຸງເສັ້ນທາງນີ້.

ເຈົ້າໜ້າທີ່ຕຳຫຼວດຈະລາຈອນ ມີການກວດກາຄວາມໄວ ແລະ ກວດກາທາດເຫຼົ້າຢ່າງເຄັ່ງຄັດແລ້ວ, ຍັງມີການແຈກນ້ຳດື່ມ ແລະ ໝວກກັນກະທົບ ໃຫ້ບັນນັກຂັບຂີ່ນຳອີກ.

ສຳລັບກິດຈະກໍາ 5 ວັນອັນຕະລາຍ ໃນໄລຍະປີໃໝ່ສາກົນ 2023 ທີ່ພວມດໍາເນີນການຈັດຕັ້ງປະຕິບັດນີ້ ເປັນໜຶ່ງໃນກິດຈະກໍາຂອງວຽກງານໂຄສະນາ ເພື່ອເຜີຍແຜ່, ປູກຈິດສໍານຶກ ດ້ານຄວາມປອດໄພທາງຫຼວງ, ພາຍໃຕ້ໂຄງການຂະແໜງຂົວທາງໄລຍະ 2 (LRSP2+AF) ທີ່ໄດ້ຮັບການສະໜັບສະໜູນຈາກ ທະນາຄານໂລກ.
___
Cr. ຄວາມສະຫງົບ Lao Security News

Leave a comment

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *