ແທ້ ຫລື ບໍ່? ຕິດຕາມຕໍ່ໄປ…ລັດວິສາຫະກິດນໍ້າມັນເຊື້ອໄຟລາວແຈ້ງວ່າ ຈະນຳເຂົ້ານໍ້າມັນເຊື້ອໄຟໃຫ້ພຽງພໍ

ໃນໄລຍະຕົ້ນເດືອນຜ່ານມານີ້ ມີຜູ້ໃຊ້ເຟສບຸກຫລາຍທ່ານໂພສກ່ຽວກັບປໍ້ານໍ້າມັນບາງແຫ່ງໃນນະຄອນຫລວງວຽງວຽງຈັນຂາດນໍ້າມັນບໍລິການ ເຮັດໃຫ້ຫລາຍຄົນມີຄວາມກັງວົນ ຢ້ານວິກິດການອັນເກົ່າ, ສະພາບລຽນຄິວກັນຊື້ນໍ້າມັນຈະຫວນຄືນມາອີກຄັ້ງ.

ໂດຍສັງຄົມໄດ້ຢ້ອນເຖິງ ການລາຍງານຂອງລັດຖະມົນຕີກະຊວງການເງິນ ຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຜ່ານມາ ເນື້ອໃນໄດ້ເວົ້າເຖິງການໄດ້ອະນຸມັດເງິນຈຳນວນ 200 ລ້ານໂດລາ ເພື່ອນຳເຂົ້ານໍ້າມັນເຊື້ອໄຟ.

ໝາຍຄວາມວ່າ ໃນຈຳນວນ 200 ລ້ານລິດ ທີ່ລັດຖະບານອະນຸມັດນໍາເຂົ້ານັ້ນຈະກຸ້ມຢູ່ປະມານ 2 ເດືອນວ່າ ຫລື ບໍ່ຮອດ 2 ເດືອນ ເມື່ອທຽ-ໃສ່ການຊົມໃຊ້ພາຍໃນປະເທດ 100 ລ້ານລິດ/ເດືອນ ແລະ ຕາມການນຳເຂົ້າຕົວຈິງແມ່ນເລີ່ມແຕ່ທ້າຍເດືອນມິຖຸນາ ແລະ ຖ້າຫາກບໍ່ມີການອະນຸມັດເພີ່ມເຮົາກໍສາມາດຄາດຄະເນໄດ້ເລີຍວ່ານໍ້າມັນເຊື້ອໄຟຈະກຸ້ມເຖິງທ້າຍເດືອນ ສິງຫາ ກໍຄືເດືອນນີ້ເອງ.

ແຕ່ເມື່ອຕົ້ນເດືອນສິງຫາຄາດລາດອອກມາກໍພົບວ່າ ນໍ້າມັນເຊື້ອໄຟບາງປໍ້າຂາດເຂີນ, ບໍ່ພຽງພໍໃນການບໍລິການ, ບາງປໍ້າຖືກປິດຕົວລົງກ່ອນກຳນົດ ເຊິ່ງສ້າງຄວາມກັງວົນໃຈໃຫ້ສັງຄົມວ່າແນວໃດກັນແທ້

ຫລ້າສຸດ ວັນທີ 4 ສິງຫາ 2022 ນີ້ ລັດວິສາຫະກິດນໍ້າມັນເຊື້ອໄຟອອກມາໂພສລົງຜ່ານເພຈເຟສບຸກຂອງຕົນເອງວ່າ: “ລັດວິສາຫະກິດນໍ້າມັນເຊື້ອໄຟ ຍັງສືບຕໍ່ພາລະກິດນຳເຂົ້ານໍ້າມັນເຊື້ອໄຟ ໃຫ້ພຽງພໍກັບຄວາມຕ້ອງການຂອງຜູ້ຊົມໃຊ້ ແລະ ເປີດໃຫ້ບໍລິການຮັບໃຊ້ສັງຄົມ ໃຫ້ເປັນປົກກະຕິ ໃນຈຸດປໍ້າຕົວແທນຕ່າງໆໃນຂອບເຂດທົ່ວປະເທດ”

ຫລາຍທ່ານເມື່ອໄດ້ເຫັນປະກາດດັ່ງກ່າວນີ້ກໍໂລ່ງໃຈແດ່ ເພາະຢ່າງໜ້ອຍກໍມີຄວາມຫວັງ ພາກສ່ວນກ່ຽວຂ້ອງມີປະຕິກິລິຍາຕອບໂຕ້, ຮັບຟັງສຽງສັງຄົມ ຍັງດີກວ່າງຽບ ເຮັດໃຫ້ບັນຫາຟົດເດືອດແບບບໍ່ມີມູນຄວາມຈິງໃດໆປາກົດ.

ເຖິງແມ່ນວ່າພາກສ່ວນກ່ຽວຂ້ອງອອກມາໃຫ້ຕຳໝັ້ນສັນຍາແບບນັ້ນແລ້ວກໍຕາມ ເຮົາຜູ້ບໍລິໂພກ, ຜູ້ໃຊ້ບໍລິການກໍຕ້ອງຕິດຕາມກັນຕໍ່ໄປວ່າ ເມື່ອເຖິງເວລາ ສະຖານະການຈະເປັນແນວໃດ ຈະເຮັດໄດ້ຄືດັ່ງທີ່ອອກແຈ້ງການນັ້ນຫລືບໍ່?

Leave a comment

อีเมลของคุณจะไม่แสดงให้คนอื่นเห็น

error: Content is protected !!