ແຈ້ງເຕືອນໄພ ຈະມີການປ່ອຍນ້ຳຈາກເຂື່ອນໄຟຟ້າທີ່ເຊກອງ !!!

ແຈ້ງເຕືອນໄພ!ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງເຊກອງ.

ໄດ້ອອກປະກາດແຈ້ງເຕືອນໄພ ຕາມແຈ້ງການຂອງ ບໍລິສັດ ຫຸ້ນສ່ວນເຂື່ອນໄຟຟ້ານ້ຳຕົກ ພາກກາງຂອງ ສ.ສ ຫວຽດນາມ.

ຈະມີການປ່ອຍນ້ຳຈາກອ່າງເກັບນ້ຳທີ່ເຂື່ອນໄຟຟ້າ ອາເລື້ອຍ ໃນລະຫວ່າງວັນທີ 8-11 ສິງຫາ 2022ໃຫ້ປະຊາຊົນທີ່ຢູ່ລຸ່ມເຂື່ອນ ແລະ ຕາມແລວສາຍນ້ຳ.

ມີສະຕິ ເກັບມ້ຽນເຄື່ອງຂຶ້ນທີ່ສູງ ແລະ ຕິດຕາມການແຈ້ງການຈາກທາງການເປັນໄລຍະ ເນື້ອໃນລະອຽດອ່ານເພີ່ມເຕີມໃນແຈ້ງການ.

ໃນລະຫວ່າງຄໍ່າຄືນຂອງວັນທີ 8-11 ສິງຫາ 2022 ລະດັບນ້ໍາເຊກອງຈະມີປະລິມານເພີ່ມຈາກລະດັບ ປົກະຕິຢ່າງກະທັນຫັນ, ເນື່ອງຈາກວ່າ ທາງບໍລິສັດ ຫຸ້ນສ່ວນເຂື່ອນໄຟຟ້ານ້ໍາຕົກພາກກາງ(ອາເລື້ອຍ) ປະເທດ ສ.ສ ຫວຽດນາມ ຈະໄດ້ປ່ອຍນ້ໍາອອກຈາກອ່າງເກັບນ້ໍາຂອງເຂື່ອນໄຟຟ້າໃນບໍລິມາດ 100-500 ແມັດກ້ອນຕໍ່ວິນາທີ, ລະດັບນໍ້າເຊກອງເວລາ: 07:00 ໂມງ ຂອງວັນທີ 8 ສິງຫາ 2022 ແທກໄດ້: 2,14 ແມັດ ແລະ ຄາດຄະເນວ່າ ລະດັບນ້ໍາ-ນ້ໍາເຊກອງຈະມີປະລິມານສູງຂຶ້ນເຖິງ: 5,50-6,50 ແມັດ; (ລະດັບນ້ໍາເຂດເຕືອນໄພ: 17,50 ແມັດ, ເຂດ ອັນຕະລາຍ: 18,50 ແມັດ).
ດັ່ງນັ້ນ, ຈິ່ງຂໍແຈ້ງເຕືອນເຖິງ ອໍານາດການປົກຄອງ ແລະ ອົງການຈັດຕັ້ງທຸກພາກສ່ວນອ້ອມຂ້າງແຂວງ ແລະ 4 ຕົວເມືອງ, ຕະຫຼອດຮອດພໍ່ຄ້າ-ຊາວຂາຍ, ຫົວຫນ່ວຍທຸລະກິດທຸກພາກສ່ວນ ແລະ ພໍ່ແມ່ປະຊາຊົນບັນດາເຜົ່າທີ່ຕັ້ງ ຖິ່ນຖານ ຫຼື ທໍາມາຫາກິນຢູ່ລຽບຕາມແຄມແມ່ນ້ໍາເຊກອງ ແລະ ບັນດາສາຂາ ຈົ່ງມີສະຕິ-ລະມັດລະວັງ ຈາກສະພາບ ການດັ່ງກ່າວທີ່ອາດຈະເກີດຂຶ້ນ, ພ້ອມນີ້ກໍ່ໃຫ້ຕິດຕາມຂ່າວສະພາບອາກາດ ແລະ ນ້ໍາຈາກພະແນກຊັບພະຍາກອນ ທໍາ ມະຊາດ ແລະ ສິ່ ງແວດລ້ອມ (ຂະແຫນງຊັບພະຍາກອນນໍ້າ ແລະ ອຸຕຸນິຍົມ) ໂດຍອອກຂ່າວທາງວິທະຍຸ ແລະ ໂທລະພາບຂອງແຂວງເປັນປະຈໍາ.

Leave a comment

อีเมลของคุณจะไม่แสดงให้คนอื่นเห็น

error: Content is protected !!