ເປີດໃຈໝົດເປືອກ ເຈົ້າສາວ 38 ປີ ສູ່ຂໍເຈົ້າບ່າວ 19 ປີ

ເວົ້າໄດ້ວ່າ ມີເຮືອນຫຼັງໜຶ່ງຈັດງານມົງຄົນສົມລົດ ໂດຍຝ່າຍເຈົ້າສາວ ມີການແຫ່ຂັນໝາກໄປເຮືອນເຈົ້າບ່າວ

ພ້ອມຫອບສິນສອດທອງໝັ້ນມູນຄ່ານັບລ້ານບາດມາສູ່ຂໍຝ່າຍຊາຍ ສ້າງຄວາມສົນໃຈໃຫ້ແກ່ແຂກທີ່ມາຮ່ວມງານເປັນຢ່າງຫຼວງຫຼາຍ

ເຈົ້າສາວຄົນນີ້ຄື ນ.ສ.ທັນລະດີ ອາຍຸ 38 ປີ ເຊິ່ງຈັດຂະບວນຂັນໝາກນຳສິນສອດທອງໝັ້ນ ປະກອບດ້ວຍເງິນສົດ 2 ແສນບາດ

ສະໂໜດທີ່ດິນ 2 ງານ 1 ສະບັບ ລົດຍົນປ້າຍແດງ 1 ຄັນ ແລະ ແມ່ພັນງົວຈຳນວນ 9 ຕົວ ເດີນທາງມາສູ່ຂໍນາຍພົງສະກອນ ອາຍຸ 19 ປີ ທີ່ເຮືອນຫຼັງດັງກ່າວ

ສຳຫຼັບບັນຍາກາດເປັນໄປດ້ວຍຄວາມມ່ວນຊື່ນ ທັງເຈົ້າສາວ ແລະເພື່ອນເຈົ້າສາວຕ່າງເຕັ້ນລຳກັນຢ່າງສະໜຸກສະໜານຂໍເດີນທາງໄປສູ່ຂໍ

ຈົນມາເຖິງເຮືອນເຈົ້າບ່າວກໍ່ໄດ້ມີການກັ້ນປະຕູເງິນ ປະຕູທອງ ເມື່ອເຈົ້າສາວຈ່າຍຄ່າຜ່ານປະຕູແລ້ວກໍ່ເຂົ້າຫ້ອງໄປນຳເຈົ້າບ່າວອອກມາ

ເພື່ອເຮັດພິທີມອບສິນສອດສົມລົດທອງໝັ້ນຕາມປະເພນີໃຫ້ແກ່ຝ່າຍຊາຍ

ໂດຍມີແຂກໃນໝູ່ບ້ານທັງແຂກທັງເພື່ອນເຈົ້າບ່າວ ແລະເພື່ອນເຈົ້າສາວມາຮ່ວມງານເປັນສັກຂີພະຍານຮັກໃນຄັ້ງນີ້

ນ.ສ.ທັນລະດີ ເປີດເຜີຍວ່າ ຕົນບໍ່ແມ່ນສາວໂສດເພາະເຄີຍຜ່ານການມີຊີວິດຄອບຄົວມາແລ້ວຫຼາຍຄັ້ງ (3 ຄັ້ງ ມີລູກແລ້ວ 7 ຄົນ)

ທີ່ຜ່ານມາມັກຈະພົບແຕ່ຜູ້ຊາຍທີ່ເອົາແຕ່ກິນທ່ຽວບໍ່ຍອມເຮັດວຽກ ບໍ່ເຄີຍດູແລເຂົາຕ້ອງດູແລຕົວເອງມາຕະຫຼອດ ກະທັ້ງມາພົບກັບນາຍພົງສະກອນ ເຊິ່ງເປັນຜູ້ຊາຍທີ່ດຸໝັ່ນທຳມາຫາກິນ ຮັກເຂົາ

ຍອມຮັບໃນສິ່ງທີ່ເຂົາເປັນໄດ້ ແລະພ້ອມຈະດູແລເຂົາ ຈຶ່ງຮູ້ສຶກວ່າໝັ້ນໃຈ ແລະ ຢາກໄດ້ຜູ້ຊາຍຄົນນີ້ຫຼາຍ ຈຶ່ງນຳສິນສອດທອງໝັ້ນມາສູ່ຂໍເພື່ອຮ່ວມສ້າງຊີວິດຄອບຄົວ ແລະຈະດູແລກັນ ແລະກັນຕະຫຼອດໄປ

ຢາກຝາກບອກບັນດາຜູ້ຍິງທັງຫຼາຍວ່າ ຖ້າພົບຜູ້ຊາຍທີ່ຮັກເຮົາແທ້ຈິງ

ບໍ່ແມ່ນເພາະເງິນ ຖ້າຢາກໄດ້ໃຫ້ຮີບໄປຂໍເອງເລີຍ ບໍ່ຕ້ອງຖ້າໃຫ້ຜູ້ຊາຍມາຂໍ

ທາງແມ່ກໍ່ພໍໃຈ ແລະບໍ່ຂັດຂ້ອງໃນເລື່ອງສິນສົມລົດ ສ່ວນທາງເຈົ້າບ່າວເຂົາກໍ່ບອກວ່າຮູ້ສຶກດີໃຈ

ເຮົາຄົບກັນມາ 2 ປີ ແລະຄິດວ່າຈະມີລູກ 1 ຄົນເຊິ່ງທາງເຈົ້າບ່າວຍັງຝາກເຖິງຜູ້ຊາຍອີກດ້ວຍວ່າ ໃຫ້ເຮັດຕົວດີໆ ມື້ໜຶ່ງອາດມີສາວມາຂໍແຕ່ງກໍ່ໄດ້

Leave a comment

อีเมลของคุณจะไม่แสดงให้คนอื่นเห็น

error: Content is protected !!