ເປີດໂສມໜ້າອະດີດສາມີ ວິວາຮອບ 2 ໜຶ່ງ ບາງປູ ໃນງານແຕ່ງ

ເອີ້ນໄດ້ວ່າ ໜຶ່ງ ບາງປູ ແຕ່ງງານກັບອະດີດສາມີ ໃຊ້ຄວາຍງາມ 3 ຕົວເປັນສິນສອດ

ມູນຄ່າກ່ວາ 30 ລ້ານ ໂດຍມີລູກເປັນສັກຂີພະຍານຄວາມຮັກ

ເຂົ້າສູ່ພິທີວິວາເປັນທີ່ຮຽບຮ້ອຍແລ້ວເມື່ອຊ່ວງເຊົ້າວັນນີ້ (5 ມິຖຸນາ) ສຳຫຼັບ ໜຶ່ງ ບາງປູ ແມ່ຄ້າອອນໄລນ໌ຊື່ດັງ

ແລະຕະລົກຈາກລາຍການກ່ອນບ່າຍຄາຍຄຽດ ເຊິ່ງກ່ອນໜ້ານີ້ ໜຶ່ງ ບາງປູ ໄດ້ເລີກລາກັບສາວຄົນຮັກ

ແລະຫວນກັບມາແຕ່ງງານກັບ ປະວິດ ສິມພາລີ ອະດີດສາມີ

ໂດຍພິທີວິວາຈັດຂຶ້ນທີ່ສະຖານຄວາຍນາຄາເຟ່ ຕ.ບໍ່ຢາງ ອ.ສະວ່າງອາລົມ ຈ.ອຸໄທທານີ

ໂດຍເຟສບຸ໊ກແຟນເພຈ ໜຶ່ງ ບາງປູ ໄລ້ສົດໂປຣ 1 ບາດ ໄດ້ໄລ້ສົດບັນຍາກາດງານແຕ່ງງານ

ໂດຍທີ່ຝັ່ງເຈົ້າບ່າວ ໄດ້ຂີ່ຄວາຍເຜືອກມາສູ່ເຈົ້າສາວແລະບອກວ່າ ມື້ນີ້ເປັນມື້ທີ່ຕົນເຮັດໃຫ້ຄອບຄົວ ເຮັດໃຫ້ລູກເມຍກັບມາເປັນຄອບຄົວອີກຄັ້ງ

ໂດຍສິນສອດຄື ຄວາຍງາມ ເຊິ່ງມູນຄ່າຕົວລະ 10 ລ້ານ ມີທັງໝົດ 3 ຕົວ ຕົກປະມານ 30 ລ້ານບາດ

ສ່ວນເຫດຜົນທີ່ເລືອກຄວາຍມາເປັນສິນສອດ ເພາະຕົນຢູ່ວົງການຄວາຍງາມ ຊື້ມາລາຄານີ້ເວລາຂາຍອອກໄປໄດ້ກຳໄລຫຼາຍ

ຍິ່ງກ່ວານຳເງິນໄປຝາກທະນາຄານ ຝ່າຍເຈົ້າບ່າວຍັງຍ້ຳວ່າ ຕົນໄດ້ເຈົ້າສາວຄົນເດີມ ຕົນກໍ່ບໍ່ຄິດຈະປ່ຽນຢູ່ແລ້ວ

ແລະຕົນກໍ່ຮັກເຂົາຢູ່ແລ້ວ ເຮົາຮັກລູກຫຼາຍເທົ່າໃດ ຮັກເຂົາກໍ່ບໍ່ນ້ອຍໄປກ່ວາກັນ

ນອກເໜືອຈາກຍາດຜູ້ໃຫຍ່ທັງສອງຝ່າຍແລ້ວ ຍັງມີນ້ອງມະນາວ ລູກສາວຂອງທັງຄູ່

ມາຮ່ວມເປັນສັກຂີພະຍານຄວາມຮັກຂອງພໍ່ແມ່ໃນທຸກໆຂັ້ນຕອນ

ເຊິ່ງໃນຕອນຫົດນ້ຳສັງ ນ້ອງມະນາວ ກໍ່ຍັງມານັ່ງເຄິ່ງກາງຮ່ວມຫົດນ້ຳກັບພໍ່ແມ່ອີກດ້ວຍ

Leave a comment

อีเมลของคุณจะไม่แสดงให้คนอื่นเห็น

error: Content is protected !!