ເດັກຍອດກະຕັນຍູ ອາຍຸ 11 ປີ, ຊ່ວຍພໍ່ຂາຍອາຫານ ຢືນຢູ່ດົນ 17 ຊົ່ວໂມງ, ເວົ້າວ່າພໍ່ຂອງລາວເມື່ອຍຫຼາຍກ່ວາລາວອີກ

ເປັນກະແສໄວຣັດໃນໂລກອອນໄລນ໌ໃນປະເທດຈີນ ກຳລັງສົນທະນາ ແລະວິຈານເຖິງປະເດັນເດັກນ້ອຍອາຍຸ 11 ປີຊ່ວຍພໍ່ຂາຍອາຫານ, ໂດຍໃຊ້ເວລາ 17 ຊົ່ວໂມງຕໍ່ມື້ ເຮັດໃຫ້ເກີດຄວາມບໍ່ພໍໃຈເປັນວົງກວ້າງ ເປັນຫຍັງເດັກນ້ອຍຈຶ່ງບໍ່ມີໄວເດັກຄືຄົນອື່ນ ແລະຕ້ອງຊ່ວຍພໍ່ຂອງຕົນຂາຍອາຫານເພື່ອລ້ຽງຊີບ

ເລື່ອງດັ່ງກ່າວເກີດຂຶ້ນຢູ່ເມືອງເຊົາຈວງ, ແຂວງຊານຕົງ, ສາທາລະນະລັດປະຊາຊົນຈີນ. ຕາມຂ່າວສານຈີນລາຍງານວ່າ ເດັກຊາຍແສນຮູ້ບຸນຄຸນຫຼາຍ ອາໄສຢູ່ກັບພໍ່ຄົນດຽວ ຊຶ່ງໜຸ່ມນ້ອຍໄດ້ອອກມາຊ່ວຍພໍ່ຂອງຕົນຂາຍອາຫານນັບແຕ່ເຊົ້າຈົນເດິກໃນຍາມພັກລະດູຮ້ອນ

ໃນຮູບຂອງວິດີໂອໄດ້ ເດັກຊາຍບອກວ່າລາວເບິ່ງແຍງຮ້ານຂາຍອາຫານ 3 ຮ້ານ ທີ່ຂາຍ ແພນເຄັກຝອຍ ແລະ ແພນເຄັກຊີອິ້ວ ແລະ ໂຈ໊ກຫນ້າຮ້ານອາຫານນ້ອຍໆ ໃນຂະນະທີ່ພໍ່ຂອງລາວກະກຽມ ແພນເຄັກ ແລະ ອາຫານຢູ່ໃນເຮືອນຄົວ ເມື່ອຢືນຢູ່ທີ່ແຜງໂຕະຂາຍແພນເຄັກ ເດັກທີ່ໃສ່ເສື້ອຢືດ ສີຟ້າ ເດັກຊາຍຈະເຫັນແພນເຄັກຖືກຕັດອອກເປັນຕ່ອນໆ ແລະ ບັນຈຸໃສ່ໃນຖົງຢາງຢ່າງຊຳນານ ແລະ ດຸໝັ່ນ

ເຮັດໃຫ້ລູກຄ້າຖາມ “ນ້ອງຊ່ວຍຂາຍອາຫານດົນປານໃດໃນແຕ່ລະມື້?” ໜຸ່ມນ້ອຍຕອບວ່າ “ຖ້າຕື່ນເຊົ້າກ່ອນໜ້ານີ້ ຂ້ອຍຈະເລີ່ມແຕ່ເວລາ 7-8 ໂມງ, ຖ້າບໍ່ດັ່ງນັ້ນຂ້ອຍກໍຈະເລື່ອນໄປເປັນ 8-9 ໂມງ ຂ້ອຍກໍ່ຈະຂາຍໃຫ້ແລ້ວໃນເວລາ 11:00 ກາງຄືນ ຫຼືເວລາທ່ຽງຄືນ”

ກ່ອນທີ່ຜູ້ຊາຍຈະຖ່າຍວີດີໂອໄດ້ຖາມເດັກຊາຍວ່າລາວຢາກອອກໄປມ່ວນກັບໝູ່ຂອງລາວຫລືບໍ່ ເດັກຊາຍຄົນນັ້ນໄດ້ຫົວອອກມາ ແລະ ແກງຫົວ, ແນວໃດກໍ່ຕາມ, ລາວກ່າວຕື່ມວ່າ: ການຊ່ວຍເຫຼືອພໍ່ຂອງລາວໃນທຸລະກິດຂາຍອາຫານແມ່ນທາງເລືອກດຽວສຳຫລັບລາວ

ຫຼັງຈາກນັ້ນ, ລູກຄ້າຈຶ່ງຖາມຕໍ່ວ່າ “ຮູ້ສຶກເມື່ອຍບໍທີ່ຕ້ອງຊ່ວຍແບບນີ້ທຸກໆມື້?” ເດັກຊາຍທີ່ຮູ້ບຸນຄຸນຕອບທັນທີ “ມີຄຳເວົ້າບູຮານວ່າ ບໍ່ມີຫຍັງທີ່ໄດ້ມາດ້ວຍຄວາມງ່າຍດາຍ ແລະ ບໍ່ວ່າຂ້ອຍຈະເມື່ອຍປານໃດ ພໍ່ກໍຕ້ອງເມື່ອຍຫຼາຍກວ່າຂ້ອຍ”

ແທນທີ່ຈະຮູ້ສຶກເສຍໃຈກັບຕົວເອງທີ່ຕ້ອງມານັ່ງເຮັດວຽກ ເດັກຊາຍກັບເປັນຫວ່ງກພໍ່ຂອງຕົນທີ່ຕ້ອງທົນກັບຄວາມຮ້ອນຕ້ອງປຸງແຕ່ງອາຫານຫມົດມື້ໃນເຮືອນຄົວ ເດັກຊາຍບໍ່ເຄີຍຈົ່ມກ່ຽວກັບການເຮັດວຽກຫນັກຫຼາຍຊົ່ວໂມງ. ແລະກ່າວວ່າລາວເຂົ້າໃຈຊີວິດທີ່ຫຍຸ້ງຍາກທີ່ພໍ່ຂອງລາວຕ້ອງປະເຊີນກັບການເປັນພໍ່ລ້ຽງດຽວ

ນັບຕັ້ງແຕ່ເລື່ອງຂອງເດັກຊາຍໄດ້ຖືກແບ່ງປັນໃນສື່ມວນຊົນສັງຄົມ, ໄດ້ມີການໂຕ້ຖຽງກັນຢ່າງກວ້າງຂວາງໃນສື່ມວນຊົນສັງຄົມອອນໄລນ໌ຂອງຈີນ. ຫຼາຍຄົນປະທັບໃຈ ແລະ ຊື່ນຊົມກັບທັດສະນະຄະຕິຂອງຜູ້ໃຫຍ່, ການສະໜັບສະໜູນ, ການໃຫ້ກຳລັງໃຈ ແລະ ຄວາມຄິດເຫັນໄປໃນທິດທາງດຽວກັນວ່າເດັກຊາຍເປັນເດັກທີ່ດີແທ້ໆ.

ຢ່າງໃດກໍຕາມ, ບາງຄົນເຊື່ອວ່າເດັກນ້ອຍຄວນຈະມີຊ່ວງໄວເດັກນ້ອຍທີ່ບໍ່ມີຄວາມກັງວົນ ພຽງແຕ່ໂດຍການດໍາລົງຊີວິດຕາມອາຍຸຂອງເຂົາເຈົ້າ ບາງຄົນເວົ້າວ່ານີ້ອາດຈະເປັນການໃຊ້ແຮງງານເດັກນ້ອຍ. “ລາວສົມຄວນໄດ້ຮັບໄວເດັກ ແລະໄວໜຸ່ມຂອງລາວ. ເພາະວ່າໃນອະນາຄົດລາວຈະຕ້ອງມີຊີວິດເປັນຜູ້ໃຫຍ່ເພື່ອຫາລ້ຽງຊີບ.” “ຂໍໃຫ້ເດັກຊາຍກັບມາເຮືອນໄວກວ່ານີ້ເພື່ອພັກຜ່ອນ. ຍ້ອນວ່າລາວຍັງມີການພັດທະນາທາງດ້ານຮ່າງກາຍ ”

ຂອບໃຈທີ່ມາຈາກ Scmp.

Leave a comment

อีเมลของคุณจะไม่แสดงให้คนอื่นเห็น

error: Content is protected !!