ເຈົ້າໜ້າທີ່ ປກສ ແຂວງຈຳປາສັກ ກັກຕົວຊາຍອາຍຸ 28 ປີ ພ້ອມຂອງກາງຢາບ້າ 24000 ເມັດ

ເຈົ້າໜ້າທີ່ ປກສ ແຂວງຈຳປາສັກ ກັກຕົວຊາຍອາຍຸ 28 ປີ ພ້ອມຂອງກາງຢາບ້າ 24000 ເມັດ
ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກໃຫ້ຮູ້ວ່າ: ໃນຄັ້ງວັນທີ 17 ກັນ 2022 ເຈົ້າໜ້າທີ່ວິຊາສະເພາະ ໄດ້ຮັບການລາຍງານຈາກພົນລະເມືອງດີວ່າ: ມີຄົນບໍ່ດີເຄື່ອນໄຫວຄ້າ-ຂາຍຢາເສບຕິດຢູ່ເຂດບ້ານ ໂພນສະອາດ ນະຄອນປາກເຊ ແຂວງຈຳປາສັກ ຈາກນັ້ນ ຈິ່ງໄດ້ສົມທົບກັບພາກສ່ວນທີ່ກ່ຽວຂ້ອງ ລົງມ້າງຄະດີລາຍດັ່ງກ່າວ ສາມາດກັກຕົວຜູ້ຖືກຫາໄດ້ 01 ຄົນ ຊື່: ທ້າວ ໂອເລ້ ນໍລະສິນ ອາຍຸ 28 ປີ, ກຳມະກອນ ຢູ່ບ້ານໜອງບົວທອງ ເມືອງສີໂຄດຕະບອງ ນະຄອນຫຼວງວຽງຈັນ ພ້ອມເຄື່ອງຂອງກາງຢາເສບຕິດປະເພດຢາບ້າ 24000 ເມັດ, ໂທລະສັບ 02 ໜ່ວຍ, ເງິນກີບ 100 000 ກີບ ແລະ ເຄື່ອງຂອງຕິດຕົວອີກຈຳນວນໜຶ່ງມາດຳເນີນຄະດີ.
ສຳລັບຄະດີດັ່ງກ່າວປະຈຸບັນນີ້ ຍັງຢູ່ໃນຂັ້ນຕອນດຳເນີນການສືບສວນ-ສອບສວນຜູ້ກ່ຽວ ເພື່ອຊອກຫາແຫຼ່ງທີ່ມາຂອງຢາເສບຕິດ ແລະ ເພື່ອຊອກຫາຜູ້ຮ່ວມຂະບວນການນຳກັນມາດຳເນີນຄະດີຕໍ່ໄປ.

Leave a comment

อีเมลของคุณจะไม่แสดงให้คนอื่นเห็น

error: Content is protected !!