ເຈົ້າໜ້າທີ່ບຸກຈັບເປົ້າໝາຍເຄື່ອນໄຫວຄ້າຂາຍຢາເສບຕິດຢູ່ເຂດບ້ານຫ້ວຍຫຍ້າ ເມືອງວຽງໄຊ

ເຈົ້າໜ້າທີ່ກອງບັນຊາການ ປກສ ເມືອງວຽງໄຊ ແຂວງຫົວພັນ ປະສານສົມທົບກັບ ປກສ ກຸ່ມບ້ານ ແລະ ອໍານາດການປົກຄອງບ້ານນໍາກໍາລັງບຸກຈັບເປົ້າໝາຍເພດຍິງ ອາຍຸ 47 ປີ ທີ່ກໍາລັງເຄື່ອນໄຫວຄ້າຂາຍຢາເສບຕິດຢູ່ເຂດບ້ານຫ້ວຍຫຍ້າ ເມືອງວຽງໄຊ. ໃນນັ້ນ, ສາມາດຢຶດຂອງກາງໄດ້ຢາບ້າ 4 ແພັກປາຍ, ເຮໂຣອິນ 1 ຫໍ່ ແລະ ຢາຝິ່ນ ອີກ 1 ຫໍ່ ໄປສອບສວນ.

ເຈົ້າໜ້າທີ່ ປກສ ເມືອງວຽງ ໄຊ ເປີດເຜີຍວ່າ: ຫຼັງຈາກໄດ້ຮັບແຫຼ່ງຂ່າວຢ່າງລະອຽດ ກໍໄດ້ນຳເອົາກຳລັງລົງຕິດຕາມກວດກາ ແລະ ເກັບກຳຂໍ້ມູນຫຼັກ ຖານ ຈົນຮອດເວລາ 12:30 ໂມງຂອງວັນທີ 22 ກໍລະກົດ 2022, ຈຶ່ງໄດ້ນຳກຳລັງ ສົມທົບກັບພາກສ່ວນທີ່ກ່ຽວຂ້ອງເຂົ້າກວດຄົ້ນເຄຫາສະຖານ (ເຮືອນ) ນາງ ເກຍຫ່ວາງ ອາຍຸ 47 ປີ ຢູ່ບ້ານຫ້ວຍຫຍ້າ. ຜ່ານການກວດຄົ້ນຕົວຈິງ ພົບເຫັນຂອງກາງຢາບ້າ ຈຳນວນ 4 ແຟັກ ກັບ 228 ເມັດ ຫຼື ເທົ່າກັບ 24.228 ເມັດ, ເຮໂຣອິນ1 ຫໍ່, ຢາຝິ່ນ 1 ຫໍ່ ແລະ ເງິນກີບທະນາຄານ 1.300.000 ກີບ ທີ່ຊຸກເຊື່ອງ ໄວ້ໃນຕູ້ ແລະ ຖົງພາຍຂອງຜູ້ກ່ຽວ.

ຜ່ານການສືບສວນ-ສອບສວນໃນເບື້ອງຕົ້ນ, ຜູ້ກ່ຽວຮັບສາລະພາບວ່າ: ຢາເສບຕິດຈຳນວນດັ່ງກ່າວແມ່ນຂອງຜູ້ກ່ຽວແທ້, ເຊິ່ງໄດ້ຊື້ນຳບຸກຄົນບໍ່ຮູ້ຊື່ ເພື່ອນຳໄປຂາຍ.

Leave a comment

อีเมลของคุณจะไม่แสดงให้คนอื่นเห็น

error: Content is protected !!