ຢູ່ນະຄອນຫຼວງວຽງຈັນ​ ເກີດນ້ຳຖ້ວມອັ່ງໄຫຼເຂົ້່າເຮືອນ !!!

ຫຼາຍບ້ານຢູ່ນະຄອນຫຼວງວຽງຈັນ​ ເກີດນ້ຳຖ້ວມອັ່ງໄຫຼເຂົ້່າເຮືອນ ເນື່ອງຈາກຝົນຕົກໜັກໃນຄືນຜ່ານມາ

ໃນເວລາ​ປະມານ​ 23​ ໂມງ​ຂອງວັນທີ​ 6​ ສິງຫາ​ ຮອດ​ ປະມານ​ 3​ ໂມງເຊົ້າ​ຂອງວັນທີ​ 7​ ສິງຫາ​ 2022​ ຢູ່ນະຄອນ​ຫຼວງວຽງຈັນ​ ໄດ້ເກີດ​ຝົນຕົກໜັກ​ຕິດຕໍ່ກັນ​ ເຮັດໃຫ້ມວນນ້ຳຝົນໄຫຼມາໂຮມກັນອັ່ງຖ້ວມ​ເສັ້ນທາງ,​ ຖ້ວມເຂດຕໍ່າ,​ ໄຫຼຖ້ວມເຂົ້າເຮືອນຂອງພໍ່ແມ່ປະຊາຊົນໃນຫຼາຍບ້ານເຊັ່ນ: ເມືອງ​ໄຊທານີ,​ ສີໂຄດ​ຕະບອງ,​ ຈັນທະບູລີ.

ໃນຂະນະທີ່ພະຍາກອນອາກາດປະຈຳວັນທີ 7​ ສິງຫາ​ 2022​ ພາກເໜືອ​ດ້ານ​ຕາເວັນຕົກ, ນະຄອນ​ຫຼວງວຽງຈັນ, ພາກກາງ​ ແລະ​ ພາກໃຕ້​ ຈະມີຝົນຕົກໃນລະດັບຄ່ອຍ ຫາ​ ປານກາງ​ຢູ່​ທົ່ວໄປ​ ແລະ​ ຕົກໜັກຢູ່ບາງທ້ອງຖິ່ນ

ຂໍເປັນກຳລັງໃຈໃຫ້ພໍ່ແມ່ປະຊາຊົນສູ້ໆເດີ້…​ມາຮອດ​ 7​ ໂມງ​ ປັດຈຸບັນ​ບາງເຂດນ້ຳຍັງບໍ່ບົກແຫ້ງເທື່ອ.​

Leave a comment

อีเมลของคุณจะไม่แสดงให้คนอื่นเห็น

error: Content is protected !!