ພະນັກງານ ລັດຖະກອນ ເມືອງຂວາ ລົງຊ່ວຍເຫລືອຜູ້ຖຶກຜົນກະທົບໄພນໍ້າຖ້ວມທີ່ບ້ານຫາດນາງ ສິນໄຊ ແລະ ລາດຊາງ ເປັນມື້ທີສາມ

ຂປລ. ໃນຕອນເຊົ້າວັນທີ 29 ສິງຫາ 2022 ນີ້ ພະນັກງານ ລັດຖະກອນ ເມືອງຂວາ ສືບຕໍ່ລະດົມກຳລັງຈາກ ລົງສົມທົບກັບປະຊາຊົນ ເພື່ອຊ່ວຍເຫລືອຜູ້ຖຶກຜົນກະທົບໄພນໍ້າຖ້ວມທີ່ບ້ານຫາດນາງ, ສິນໄຊ ແລະ ລາດຊາງ ເປັນມື້ທີສາມ, ຄາດວ່າການອະນາໄມມ້ຽນມັດສິ່ງເສດເຫລືອ ແລະ ສ້ອມແປງບ່ອນເປ່ເພຕາມທ່າແຮງທີ່ເຮັດໄດ້ໃຫ້ສາມາດໃຊ້ໄດ້ໂດຍຈະສຳເລັດໃນໄວໆນິ້.
ຂ່າວ,ພາບ: ສອນໄຊ (ນັກຂ່າວເມືອງຂວາ)

ຜູ້ປະສົບໄພນໍ້າຖວ້ມຢູ່ບ້ານລາດຊາງ ແລະ ບ້ານ ຫາດນາງ ໄດ້ຮັບເຄື່ອງບັນເທົາທຸກ
ຂປລ. ຜູ້ປະສົບໄພນໍ້າຖວ້ມຢູ່ບ້ານລາດຊາງ ແລະ ບ້ານ ຫາດນາງ ໄດ້ຮັບເຄື່ອງບັນເທົາທຸກຈຳນວນໜຶ່ງ, ​ດ້ວຍຄວາມເປັນຫ່ວງໄຍຂອງພັດ-ລັດ ກໍ່ຄືອົງການປົກຄອງເມືອງ ທີ່ມີຕໍ່ປະຊາຊົນບັນດາເຜົ່າ ທີ່ປະສົບໄພທາງທຳມະຊາດນໍ້າຖ້ວມ ໃນຄັ້ງວັນທີ 26 ທີ່ຜ່ານມາ, ດັ່ງນັ້ນມາໃນວັນທີ 28 ສີງຫາ 2022 ນິ້, ທ່ານ ພອນທະວີ ໄຊມົນຕີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງຂວາ ໄດ້ລົງຕິດຕາມສະພາບນໍ້າຖ້ວມ ຢູບ້ານລາດຊາງ, ບ້ານສິນໄຊ ແລະ ບ້ານຫາດນາງ ເມືອງຂວາ ແຂວງຜົ້ງສາລີ .ໃນໂອກາດທີ່ທ່ານເຈົ້າເມືອງ ໄດ້ຢື້ຢາມຖາມຂ່າວ ແລະ ໃຫ້ກຳລັງໃຈປະຊາຊົນບັນດາເຜົ່າກໍ່ຄືຄອບຄົວທີ່ປະສົບໄພ ພ້ອມທັງລົງກວດກາຜົນກະທົບ ແລະ ປະເມີນຜົນເສຍຫາຍໃນເຂດດັ່ງກ່າວ ໄດ້ເຮັດໃຫ້ຊີວິດ, ຊັບສິນ ຂອງປະຊາຊົນ ແລະ ພື້ນຖານໂຄ່ງລ່າງເສຍຫາຍຢ່າງໜັກໜ່ວງ.
​ປັດຈຸບັນ ຫລາຍພາກສ່ວນເລັ່ງໃສ່ໃຫ້ການຊ່ວຍເຫລືອແກ້ໄຂສຸກເສີນໃຫ້ປະຊາຊົນ ໂດຍສະເພາະ ທາງອົງການປົກຄອງເມືອງ ໄດ້ລະດົມກຳລັງຊາວໜຸ່ມ ກຳລັງປ້ອງກັນຊາດ-ປ້ອງກັນຄວາມສະຫງົບ, ສະມາຊິກກຳມະບານ, ສະມາຊິກສະຫະພັນເເມ່ຍິງ ແລະ ແຮງງານປະຊາຊົນບ້ານໃກ້ເຮືອນຄຽງລົງຊ່ວຍເຫລືອຄອບຄົວທີ່ຖືກຜົນກະທົບໄພນໍ້າຖ້ວມເປັນຕົ້ນແມ່ນ: ເກັບມ້ຽນເຄື່ອງຂອງ, ອະນະໄມເຮືອນຊານບ້ານຊອງຂອງປະຊາຊົນ ແລະ ພ້ວມເລັ່ງໃສ່ແກ້ໄຂເສັ້ນທາງ ຂອບເຂດບ້ານສິນໄຊ ທີ່ໄດ້ຮັບຜົນກະທົບຈາກໄພນໍ້າຖ້ວມ .
ມາຮອດປັດຈຸບັນນິ້ ຫລາຍພາກສ່ວນໄດ້ໃຫ້ການຊ່ວຍເຫລືອ ໃນນິ້, ທ່ານ ບຸນພະນິດ ແກ້ວຮຸ່ງ ຫົວໜ້າພະແນກໂຍທາທິການ ແລະ ຂົນສົ່ງ ມອບເງິນສົດ 5 ລ້ານ ກີບ, ທ່ານ ຄຳຊາຍ ສີສະຫວັດ ບໍລິການປໍ້ານໍ້າມັນ ມອບນໍ້າດື່ມ 5 ແພັກ, ເຂົ້າສານຈຳນວນໜື່ງ ລວມມູນຄ່າ 1 ລ້ານກີບ, ນັກທຸລະກິດຊາວຫວຽດນາມ ມາດຳເນີນທຸລະກິດຢູ່ບ້ານລາດຊາງ ມອບເຄື່ອງນຸ່ງ 30 ຊຸດ ແລະ ເງີນຈຳນວນໜື່ງເພື່ອປະກອບສ່ວນຊ່ວຍເຫລືອບັນເທົາທຸກໃຫ້ບ້ານທີ່ປະສົບໄພ.
​ໃນໂອກາດນິ້, ທ່ານເຈົ້າເມືອງ ພ້ອມດ້ວຍຂະແໜງການທີ່ກ່ຽວຂ້ອງຂັ້ນເມືອງ ໄດ້ມອບເຄື່ອງໃຫ້ບ້ານຫາດນາງ ແລະ ບ້ານລາດຊາງ ເຊີ່ງເຄື່ອງທີ່ນຳມາມອບໃນຄັ້ງນິ້ປະກອບມີ ໝໍ້ແກ້ງ 78 ໜ່ວຍສາດປູ 78 ຜືນ, ຖ້ວຍ 237 ໃບ, ຄຸ 78 ໜ່ວຍ, ໝໍໜື້ງ 78 ໜ່ວຍ,ບ່ວງ 40 ກັບ,ຜ້າຫົ່ມ 78 ຜືນ ລວມມູນຄ່າທັງໝົດ 27 ລ້ານກວ່າກີບ. ໂອກາດລົງເຄື່ອນໄຫຕິດຕາມສະພາບນໍ້າຖ້ວມໃນຄັ້ງນິ້, ທ່ານເຈົ້າເມືອງ ໄດ້ຮຽກຮ້ອງໃຫ້ອົງການປົກຄອງບ້ານປຸກລະດົມວັດຖຸປັດໄຈນຳບໍລິສັດຫ້າງຮ້ານ ແລະ ນຳຄອບຄົວ ທີ່ບໍ່ປະສົບໄພນໍ້າຖ້ວມມາຊ່ວຍເຫລືອຄອບຄົວທີ່ຖືກຜົນກະທົບເພື່ອຊ່ວຍແບ່ງເບົາຄວາມທຸກໂສກເສຍໃຈ.
​ຂ່າວ, ພາບ: ສອນໄຊ ແສງມະນີ
(ນັກຂ່າວເມືອງຂວາ)

Leave a comment

อีเมลของคุณจะไม่แสดงให้คนอื่นเห็น

error: Content is protected !!