ຜູ້ຈັດການສ່ວນຕົວ ເວຍ ຕອບແລ້ວ ເວຍ ສຸກົນລະວັດ ຈໍສະຫຼະໂສດກາງເດືອນໜ້າແທ້ບໍ່

ຫຼັງຈາກແມ່ຂອງພະເອກໜຸ່ມ ເວຍ ສຸກົນລະວັດ ໄດ້ໂພສຮູບເປີດຕົວແຟນສາວຄົນໃໝ່

ຂອງລູກຊາຍລົງໃນອິນສະຕາແກຣມສ້າງຄວາມສົນໃຈໃຫ້ແຟນຄັບບໍ່ໜ້ອຍເລີຍທີດຽວ

ຕົວຈິງງາມໜ້າຮັກຫຼາຍ ໂປຣໄຟລ໌ເລີດແຮງຄົນນີ້ ເປັນຜູ້ບໍລິຫານມີທຸລະກິດສ່ວນຕົວ

ງາມແລະລວຍຫຼາຍລະດັບພັນລ້ານ ອະດີດແອຣ໌ ຈົບໂທຈາກນອກ ໄດ້ກຽດນິຍົມ ເກັ່ງຫຼາຍພາສາ

ພ້ອມທັງບອກວ່າໜ້າຈະມີຂ່າວດີໄວໆນີ້ອີກດ້ວຍ

ເຊິ່ງກໍ່ໄດ້ມີຊາວໂຊຊຽວສ່ວນໜຶ່ງເຂົ້າມາຄອມເມັ້ນວ່າ..ແວ່ວວ່າຂ່າວດີນັ້ນ

ຈະເກີດຂຶ້ນກາງເດືອນໜ້າ ໂດຍຈະຈັດງານຢ່າງເປັນສ່ວນຕົວເຊີນແຕ່ຄອບຄົວແລະຄົນສະໜິດເທົ່ານັ້ນ

ເຊິ່ງຈະເປັນຄວາມຈິງບໍ່ນັ້ນ ຄົງຕ້ອງຖ້າເບິ່ງກັນຕໍ່ໄປ

ລ່າສຸດຜູ້ສື່ຂ່າວ ຕໍ່ສາຍຕົງເຖິງຜູ້ຈັດການ ສ່ວນຕົວຂອງໜຸ່ມ ເວຍ ເຊົ້າວັນທີ່ 23 ມິຖຸນາ 65

ວ່າພະເອກດັງກຽມສະຫຼະໂສດກາງເດືອນໜ້າ ແທ້ຫຼືບໍ່

ເຊິ່ງຜູ້ຈັດການສ່ວນຕົວຂອງໜຸ່ມ ເວຍ

ບໍ່ໄດ້ຕອບຮັບຫຼືປະຕິເສດ ບອກພຽງວ່າບໍ່ໄດ້ລົມກັນເລື່ອງສ່ວນຕົວ

ຕົນດູແລສະເພາະເລື່ອງງານ ທີ່ນອກເໜືອຈາກງານລະຄອນເທົ່ານັ້ນ

ເລື່ອງສ່ວນຕົວຂໍໃຫ້ ເວຍ ເປັນຄົນຕອບເອງຈະດີກ່ວາ

ແລະເມື່ອຜູ້ສື່ຂ່າວຖາມວ່າ ເວຍ ຮັບຮູ້ເຖິງກະແສຂ່າວເລື່ອງແຟນສາວຫຼືຍັງ

ຜູ້ຈັດການສ່ວນຕົວເຜີຍຕົນບໍ່ຊາບ ເພາະບໍ່ໄດ້ລົມເລື່ອງສ່ວນຕົວແລະຍ້ຳໃຫ້ ເວຍ ເປັນຄົນຕອບເອງເຊັ່ນເດີມ

Leave a comment

อีเมลของคุณจะไม่แสดงให้คนอื่นเห็น

error: Content is protected !!