ປຸ້ມປຸ້ຍ ພັນທິພາ ຕອບຊັດ ຫຼັງຖືກຖາມ ຄິດວ່າສິນສອດສຳຄັນບໍ່

ເອີ້ນໄດ້ວ່າເປັນອີກຄູ່ຮັກທີ່ຫວານຊື່ນກັນຕະຫຼອດ ຢ່າງນັກຮ້ອງໜຸ່ມ ກະວິນ ດູວາລ ອະດີດສະມາຊິກວົງ 3.2.1 ແລະພັນລະຍາສຸດແຊ່ບ ປຸ້ມປຸ້ຍ ພັນທິພາ

ເຊິ່ງຫຼັງຈາກວິວາຫວານມາຕັ້ງແຕ່ 5 ພຶດສະພາ 2562 ກໍ່ໄດ້ມີໂສ້ທອງຄ້ອງໃຈເປັນລູກຊາຍ 1 ຄົນ ຊື່ນ້ອງ ໄຊອັລບລູ ສະກາຍ ດູວາລ

ລ່າສຸດ ປຸ້ມປຸ້ຍ ໄດ້ໂພສສະຕໍລີ້ອິນສະຕາແກຣມໃຫ້ໂອກາດແຟນໆ ໄດ້ຖາມຄຳຖາມ ເຊິ່ງໜຶ່ງໃນນັ້ນມີຄຳຖາມກ່ຽວກັບເລື່ອງສິນສອດ ໂດຍໄດ້ຖາມວ່າ ເອື້ອຍປຸ້ຍຄິດວ່າສິນສອດສຳຄັນບໍ່

ເຊິ່ງ ປຸ້ມປຸ້ຍ ກໍ່ໄດ້ຕອບຄຳຖາມນີ້ ພ້ອມທັງຍົກຕົວຢ່າງເຖິງຄອບຄົວຕົວເອງ ໂດຍບອກວ່າ ຖ້າສະໄໝກ່ອນ ຝ່າຍຊາຍເປັນຫົວໜ້າຄອບຄົວ

ເວລາຈະຍົກລູກສາວໃຫ້ໃຜ ສິນສອດກໍ່ເບິ່ງຄືວ່າເປັນຫຼັກປະກັນວ່າຝ່າຍຊາຍສາມາດດູແລຝ່າຍຍິງໄດ້ ອັນນີ້ທີ່ປຸ້ຍເຂົ້າໃຈເດີ້

ແຕ່ປັດຈຸບັນ ບົດບາດແລະໜ້າທີ່ໃນຄອບຄົວມັນຫຼາກຫຼາຍ ແລະສາມາດປັບປ່ຽນໄປຕາມຄວາມສະດວກ

ຖ້າຕອນນີ້ກໍ່ຕ້ອງຕອບວ່າ ບໍ່ຈຳເປັນຂະໜາດນັ້ນ ຊ່ວຍກັນຫາ ຊ່ວຍກັນສ້າງ ຊ່ວຍກັນດູແລ ໜ້າຈະດີທີ່ສຸດ

ບໍ່ມີການຍູ້ພາລະໜ້າທີ່ໃຫ້ໃຜຄົນໃດຄົນໜຶ່ງ ແຕ່ກໍ່ຕ້ອງເບິ່ງວ່າຄວາມພໍໃຈຂອງແຕ່ລະເຮືອນເປັນແນວໃດແດ່

ເພາະຢ່າລືມວ່າ ເຮົາບໍ່ໄດ້ແຕ່ງງານກັນພຽງ 2 ຄົນ ເຮົາແຕ່ງກັບຄອບຄົວຂອງແຕ່ລະຝ່າຍອີກດ້ວຍ ສ່ວນຕອນປຸ້ຍ

ທາງຄອບຄົວບໍ່ໄດ້ເອີ້ນ ແມ່ບອກວ່າ ບໍ່ເອີ້ນ ແລະຈະແຖມເງິນກັບເຂົ້າສານໃຫ້ກະວິນອີກດ້ວຍ ຂໍຢ່າງດຽວ ຢ່າເອົາມາຄືນ

ນອກຈາກນີ້ ຍັງມີແຟນຄັບອີກລາຍທີ່ເຂົ້າມາຖາມຄຳຖາມວ່າ ມັກປຸ້ມປຸ້ຍຫຼາຍ ມັກຄວາມຈິງໃຈ ຢາກຖາມວ່າ

ລາຍໄດ້ສາມີກັບລາຍໄດ້ຂອງເຮົາ ຕົກລົງກັນໃຊ້ແນວໃດ ເຊິ່ງປຸ້ມປຸ້ຍຕອບກັບໄປວ່າ ເວລາໃຊ້ຈ່າຍ ໃຊ້ເງິນເຂົາໃຫ້ໝົດກ່ອນ

พอเงินเขาหมด ค่อยใช้เงินเราค่ะ แยกกระเป๋าค่ะ รายได้เราคือของเรา รายได้เขา คือของเราค่ะ

ພໍເງິນເຂົາໝົດ ຄ່ອຍໃຊ້ເງິນເຮົາ ແຍກກະເປົ໋າ ລາຍໄດ້ເຮົາຄືຂອງເຮົາ ລາຍໄດ້ເຂົາຄືຂອງເຂົາ

Leave a comment

อีเมลของคุณจะไม่แสดงให้คนอื่นเห็น

error: Content is protected !!