ບັງກລາເທດ ປັບຫຼຸດລາຄາສິນຄ້າທີ່ຈຳເປັນ ຫວັງຊ່ວຍຜູ້ມີລາຍໄດ້ຕ່ຳ

ສຳນັກຂ່າວຕ່າງປະເທດລາຍງານວ່າ: ລັດຖະບານບັງ ກລາເທດ ໄດ້ເປີດໂຄງການຫຼຸດລາຄາພິເສດ ສຳລັບກຸ່ມສິນຄ້າປະເພດເຄື່ອງໃຊ້ທີ່ຈຳເປັນຕໍ່ການດຳລົງຊີວິດຂອງປະຊາຊົນ ເພື່ອຊ່ວຍເຫຼືອຄອບຄົວທີ່ມີລາຍໄດ້ຕ່ຳ ປະມານ 10 ລ້ານຄອບຄົວ ເພື່ອຊ່ວຍບັນເທົາ ຄວາມເດືອດຮ້ອນແກ່ປະຊາຊົນ ຫຼັງຈາກທີ່ລາຄາສິນຄ້າປັບສູງຂຶ້ນນັບມື້.

ໂຄງການດັ່ງກ່າວ ດຳເນີນການໂດຍບໍລິສັດການຄ້າບັງ ກລາເທດ ( TCB ) ໂດຍມີຈຸດປະສົງຈຳໜ່າຍສິນຄ້າທີ່ຈໍາເປັນໃນຊີວິດປະຈຳວັນ ຕ່ຳກວ່າລາຄາຕະຫຼາດທົ່ວໄປ ເພື່ອບັນເທົາ ຄວາມເດືອດຮ້ອນຂອງປະຊາຊົນ ທ່າມກາງລາຄາພະລັງງານ, ລາຄາສິນຄ້າ ແລະ ບໍລິການກຳລັງເພີ່ມຂຶ້ນນັບມື້ ໄດ້ເປັນແຮງຍູ້ເຮັດໃຫ້ອັດຕາເງິນເຟີ້ຂອງບັງກລາເທດເພີ່ມຂຶ້ນ.

ກ່ອນໜ້ານີ້ ລັດຖະບານໄດ້ກຳນົດໃຫ້ສະເພາະຜູ້ທີ່ຖືບັດຂອງບໍລິສັດການຄ້າບັງກລາເທດເທົ່ານັ້ນ ທີ່ສາມາດຊື້ສິນຄ້າຫຼຸດລາຄາຈາກຕົວແທນຈຳໜ່າຍ ແລະ ຈຸດຂາຍຕ່າງໆຂອງບໍລິສັດ ໂດຍຜູ້ຖືບັດຂອງແຕ່ລະຄອບຄົວ

ສາມາດຊື້ສິນຄ້າປະເພດນ້ຳມັນປຸງແຕ່ງອາຫານ ຈຳນວນ 2 ລິດ, ຖົ່ວເລນທີລ 2 ກິໂລ, ນ້ຳຕານ 1 ກິໂລ ແລະ ຫົວຫອມ 2 ກິໂລ ພາຍໃຕ້ໂຄງການເບື້ອງຕົ້ນ ແຕ່ປັດຈຸບັນລັດຖະບານໄດ້ເປີດໂອກາດໃຫ້ປະຊາຊົນຜູ້ທີ່ມີລາຍໄດ້ຕ່ຳ ສາມາດຊື້ສິນຄ້າທີ່ຈຳເປັນນຳບໍລິສັດ ໂດຍຄາດວ່າຈະມີປະມານ 10 ລ້ານຄອບຄົວ ໃນທົ່ວປະເທດ

Leave a comment

อีเมลของคุณจะไม่แสดงให้คนอื่นเห็น

error: Content is protected !!