ຍິง ຄົນຂ້າງເຮືອນຕຸ໋ຍ ໃຊ້ສຽງດັງລົບກວນເວລານອນ

ໃນວັນທີ 3 ກັນຍາ 2022 ນີ້, ເກີດເຫດຍິງກັນຕຸ໋ຍຢູ່ບ້ານສົບນ້າວ ເມືອງໃໝ່ ແຂວງຜົ້ງສາລີ ຍ້ອນຄົນຂ້າງເຮືອນ ໃຊ້ສຽງດັງລົບກວນເວລານອນ

ເຈົ້າຫນ້າທີ່ໃຫ້ຮູ້ວ່າ: ມື້ເກີດເຫດປະມານ 10 ໂມງ ທ້າວ ຕຸ້ຍ ອາຍຸ 30 ປີ ບ້ານສົວນາວ ກັບຈາກເກັບນໍ້າຢາງພາລາ

ພາຍຫຼັງຮອດເຮືອນແລ້ວຕົນຮູ້ສືກເມືອຍ ເລີຍເຂົ້າໄປນອນພັກຜ່ອນຢູ່ໃນເຮືອນ ແຕ່ນອນບໍ່ຫລັບ, ເພາະທ້າວນິງ ອາຍຸ 32 ປີ ເຮືອນໃກ້ກັນ ຕັດໄມ້ໃຊ້ສຽງດັງລົບກວນ

ດັ່ງນັ້ນ, ຕົນຈຶ່ງໄດ້ລຸກອອກໄປບອກວ່າຢ່າໃຊ້ເສຍດັງຫຼາຍ ແຕ່ທ້າວນິງ (ຜູ້ຕຸ໋ຍ)ໄດ້ຕອບກັບມາວ່າ ໃຊ້ສຽງດັງກະຢ່ານີ້ແມ່ນເຮືອນຂ້ອຍ ຈິ່ງເກີດມີປາກສຽງໃສ່ກັນຢ່າງຮຸນແຮງ ແລະ ຜ່ານມາທັງສອງເຄີຍຜິດດຖຽງກັນມາກ່ອນ.

ເມື່ອເປັນແນວນັ້ນ ທ້າວ ຕຸ້ຍ ຈຶ່ງໃຈຮ້າຍແລ້ວຍາງເຂົ້າໄປໃນເຮືອນຈັບເອົາປືນແກັບຍິງໃສ່ທ້າວ ນິງ ທີ່ກຳລັງກົ້ມລ້າງມືຢູ່ເຮືອນຄົວເຮັດໃຫ້ເສຍຊີວິດຄາທີ່.

Leave a comment

อีเมลของคุณจะไม่แสดงให้คนอื่นเห็น

error: Content is protected !!