ຍອດເງິນທີ່ຫນິງໂອນຊ່ວຍພໍ່ຄ້າຕົວນ້ອຍ ຄົນເບິ່ງພຽງ 5-6 ຄົນ ແຕ່ໃຈສູ້

ເປັນເລື່ອງທີ່ຄົນໃນໂລກອອນລາຍພາກັນຊື່ນຊົມ ເມື່ອມີຄົນບອກເລົ່າຂອງນ້ອງນຳໂຊກ ພໍ່ຄ້າຕົວນ້ອຍທີ່ໄລ້ສົດຂາຍເຄື່ອງກັບແມ່ຕູ້ ແຕ່ແທບຈະບໍ່ມີຄົນເຂົ້າໄປອຸດຫນູນ

ໂດຍ ນ້ອງນຳໂຊກ ອາໄສຢູ່ກັບແມ່ຕູ້ທີ່ຈັງຫວັດຍະໂສທອນ ແລະມັກຈະມານັ່ງຣີວິວຊ່ວຍແມ່ຕູ້ຂາຍເຄື່ອງ ມີຄົນເບີ່ງ 5-6 ຄົນ ບາງເທື່ອກໍບໍ່ມີ ພວກເຂົາກໍຍັງພະຍາຍາມສູ້ຊີວິດ ເຮັດໃຫ້ຫລາຍຄົນທີ່ມີໂອກາດເຂົ້າມາຊ່ວຍກັນເຜີຍແຜ່ເລື່ອງຂອງພໍ່ຄ້ານ້ອຍໃຫ້ເປັນທີ່ຮູ້ຈັກ

ຈົນເຮັດໃຫ້ນັກສະແດງສາວ ໜິງ ປະນິຕາ ເຫັນຂ່າວຂອງນ້ອງນຳໂຊກ ແລະ ເຂົ້າໄປເບິ່ງເຟດບຸ໊ກຂອງນ້ອງ ເຫັນວ່ານ້ອງຂາຍເຄື່ອງຢູ່ພໍດີ ໜິງເລົ່າຕອນນັ້ນຢູ່ກັບລູກ ສາວນ້ອງນິລິນ ແລະ ສາມີ ຈິນ ຈິນກໍບອກຕົນວ່າເປັນຫຍັງບໍ່ຊ່ວຍເຂົາເພາະເບິ່ງນ້ອງຢາກຂາຍເຄື່ອງອີຫລີ

ໜິງເລົ່າອີກວ່າ ນ້ອງຈະບອກແຕ່ມີສິນຄ້າຫຍັງ ລາຄາເທົ່າໃດ ແຕ່ນ້ອງບໍ່ໄດ້ບອກວ່າສັ່ງຊຶ້ທີ່ໃດ ເບີໂທຫຍັງ ເຊິ່ງປົກກະຕິຄົນໄລ້ຂາຍເຄື່ອງຈະບອກວ່າສັ່ງຊື້ໄດ້ທາງໃດ ນ້ອງມີຄວາມພະຍາຍາມຢາກຂາຍແຕ່ບໍ່ມີກົນລະຍຸດ ດັງນັ້ນຈິນກໍບອກໃຫ້ຕົນໄປໄລ້ກັບນ້ອງ

ຈາກນັ້ນຕົນເອງຈຶ່ງຄອມເມັ້ນເຂົ້າໄປວ່າ ຈະຊ່ວຍໄລ້ຂາຍ ພ້ອມທັງແຊຮ໌ໄປທີ່ເພຈຂອງຕົນເອງ ແລະໃຫ້ຊ່ວຍກັນແຊຮ໌ ແລະອຸດຫນູນ ສຳລັບຕົນເອງໂອນເງິນໃຫ້ນ້ອງ ຈຳນວນ 10,000 ບ. ເປັນທີ່ຮຽບຮ້ອຍແລ້ວ ປົກກະຕິເວລາທີ່ຕົນເອງຈະເຮັດບຸນຕ້ອງເຫັນວ່າເຂົາລຳບາກອີຫລີ

ຈິງໆແລ້ວ ຕົນເອງກໍເປັນຄົນເຮັດບຸນຫຼາຍ ເຫັນຕາມລາຍການກໍຈະສົງສານແລ້ວ ຕິດຕໍ່ໄປ ຕົນຢາກຊ່ວຍຄົນທີ່ລຳບາກອີຫລີ ແລະນ້ອງມີຄວາມພະຍາມທີ່ຈະເຮັດ ບໍ່ມີຄົນເບິ່ງແຕ່ກະຍັງຢາກຂາຍ ເຂົາບໍ່ຍອມແພ້ ຕົວເອງກໍເລີຍຢາກຊ່ວຍ

ຍັງການເວົ້າເຖິງເລື່ອງທີ່ຈະສົ່ງນ້ອງຮຽນ ເພາະນ້ອງເວົ້າວ່າຫາເງິນເພື່ອຢາກໄປຮຽນຕໍ່ ມ.1-ມ.6 ຕົນກໍເລີຍບອກວ່າໃຫ້ເບິ່ງແຍງແມ່ຕູ້ໄປກ່ອນເລື່່ອງຄ່າຮຽນ ມ.1-ມ.6 ຕົນເອງຈະຊ່ວຍເຫຼືອ

ແລະຫລັງຈາກໄດ້ໄລ້ກັບນ້ອງນຳໂຊກໄປແລ້ວ ນ້ອງກໍມີການສົ່ງຂໍ້ຄວາມມາດ້ວຍວ່າ ຂອບໃຈມື້ວານຂາຍໄດ້ຫຼາຍອີຫຼີ ຢ້ານເຮັດບໍ່ທັນ ແຕ່ກໍຈະພະຍາຍາມ ເຊິ່ງຕົນກໍດີໃຈ ຫຼັງຈາກນີ້ຕັ້ງໃຈວ່າຈະຕິດຕໍ່ນ້ອງໄປອີກຄັ້ງ ເບິ່ງເລື່ອງຄວາມເປັນຢູ່ຂອງນ້ອງ

ຂອບໃຈຂໍ້ມູນເພີ່ມຕື່ມບາງສ່ວນ: ทุบโต๊ะข่าว

Leave a comment

อีเมลของคุณจะไม่แสดงให้คนอื่นเห็น

error: Content is protected !!