ຊາວເນັດເສຍໃຈ ພໍ່ເອົາເດັກນ້ອຍ 5 ປີ ມາຖິ້ມໄວ້ທີ່ໂຮງຮຽນ ຫລັງຮູ້ວ່າບໍ່ແມ່ນລູກແທ້ໆ

ອາທິດທີ່ແລ້ວ ພໍ່ຂອງເດັກຊາຍຊື່ຫຍໍ້ ຊຽວລຸ່ຍ ໄດ້ສົ່ງເດັກນ້ອຍໄປໂຮງຮຽນອະນຸບານແຫ່ງຫນຶ່ງໃນເຂດປົກຄອງຕົນເອງກວາງຊີ ຊຶ່ງຢູ່ໃນພາກໃຕ້ຂອງຈີນ ຫຼັງຈາກນັ້ນກໍຫາຍໄປ ບໍ່ຍອມມາເອົາລູກຊາຍຂອງລາວກັບເຮືອນ

ສື່ມວນຊົນທ້ອງຖິ່ນລາຍງານວ່າ ພໍ່ຂອງ ຊຽວລຸ່ຍ ບໍ່ເປີດເຜີຍຊື່ ຫາກໍໄດ້ຮັບຜົນການທົດສອບ DNA ນີ້ສະແດງໃຫ້ເຫັນວ່າລາວແລະເດັກຊາຍບໍ່ກ່ຽວຂ້ອງກັນໂດຍເລືອດ ແລະລາວບໍ່ແມ່ນພໍ່ກຳເນີດຂອງ ຊຽວລຸ່ຍ ລາວຍັງບອກເຈົ້າໜ້າທີ່ໂຮງຮຽນວ່າ ຈາກນີ້ໄປເດັກຊາຍຖືວ່າເປັນບັນຫາທີ່ໂຮງຮຽນຕ້ອງຮັບຜິດຊອບ

ອາຈານ ຊຽວລຸ່ຍ ເຊິ່ງພຽງແຕ່ລະບຸນາມສະກຸນຂອງລາວ ເຊິນ ເວົ້າວ່າຢູ່ໃນກະເປົ໋າຂອງເດັກຊາຍ ເຕັມໄປດ້ວຍເຄື່ອງນຸ່ງຫົ່ມແລະໂທລະສັບມືຖືຫຼັງຈາກທີ່ພໍ່ຂອງເດັກຊາຍປະໄວ້ ລາວຍັງຕິດຕໍ່ກັບໂຮງຮຽນ ແຕ່ບໍ່ຍອມຮັບເດັກຊາຍກັບບ້ານ, ຕໍ່ມາ, ຄູອາຈານ ເຊິນ ໄດ້ໄປເຮືອນຂອງນ້ອງ ຊຽວລຸ່ຍ ແຕ່ປະກົດວ່າເຮືອນເປົ່າຫວ່າງ ບໍ່ມີບ່ອນຢູ່ອາໄສອີກຕໍ່ໄປ

ຕຳຫຼວດໄດ້ຕິດຕໍ່ຫາພໍ່ຕູ້ແລະລຸງຂອງນ້ອງ ຊຽວລຸ່ຍ ແຕ່ສອງຄົນບໍ່ຍອມມາເບິ່ງແຍງ ຊຽວລຸ່ຍ

ຫຼັງຈາກຖືກປະໄວ້ໃນໂຮງຮຽນເປັນເວລາ 5 ມື້, ແມ່ຂອງເດັກນ້ອຍອາຍຸ 5 ປີໄດ້ມາກັບເຂົາສອງສາມມື້ກ່ອນຫນ້ານີ້

ເລື່ອງຂອງ ເດັກຊາຍ ກາຍເປັນບັນຫາກັບສື່ສັງຄົມຈີນ ມາວິຈານກັນແບບເຜັດຮ້ອນໆ ໂດຍສະເພາະໃນ weibo ເຊິ່ງເປັນເວທີທີ່ນິຍົມທີ່ສຸດໃນປະເທດຈີນ ຊາວເນັດສ່ວນໃຫຍ່ສະແດງຄວາມບໍ່ພໍໃຈ ແລະ ໃຈຮ້າຍຕໍ່ພໍ່. ໃນຂະນະທີ່ສະແດງຄວາມເມດຕາຕໍ່ເດັກຊາຍ ໂດຍສະເພາະແມ່ນເມື່ອໄດ້ເຫັນຮູບຖ່າຍທາງຫລັງທີ່ສະແດງໃຫ້ເຫັນເຖິງຄວາມໂດດດ່ຽວຂອງນ້ອງ

ຕາມກົດໝາຍຈີນ ພໍ່ຂອງ ຊຽວລຸ່ຍ ບໍ່ມີຄວາມຜິດຕໍ່ກົດໝາຍໃນຄະດີນີ້. ເພາະວ່າລາວບໍ່ແມ່ນພໍ່ກຳເນີດຂອງເດັກຊາຍ. ແຕ່ຖ້າແມ່ຜູ້ໃຫ້ກຳເນີດປະຕິເສດຈະລ້ຽງລູກ ມັນຈະເປັນການກະທຳຜິດຕາມກົດໝາຍ ແລະອາດຈະຖືກຕັດສິນລົງໂທດຈຳຄຸກ. ຊຶ່ງມີໂທດສູງສຸດເຖິງ 5 ປີ

ທີ່ມາ: scmp.com

Leave a comment

อีเมลของคุณจะไม่แสดงให้คนอื่นเห็น

error: Content is protected !!